1274 Juli 30. Breslau

Herzog Heinrich IV. gestattet dem Brieger Erbvogte Wilhelm, den herzoglichen Wald und das Erbe weiland Hannemann's zu deutschem Rechte anszusetzen.

In nomine domini amen. Nos Henricus dei gracia dux Slezie ad noticiam universorum volumus pervenire, quod propter merita Wilhelmi advocati nostri in alta ripa et ad commodum civitatis ejusdem silvam nostram ibidem et allodium, quod olim fuerat Hannemanni, ipsi Wilhelmo de maturo baronum nostrorum consilio concessimus teutonico jure locandum et per parvos mansos, de quibus, qui ibi se receperint, plenam per decem annos in omnibus et per omnia libertatem habebunt, termino libertatis incipiente in festo proximo b. Martini, quo finito de quolibet manso nobis dabitur annis singulis pro omnibus solucionibus, exaccionibus et juribus quibuseunque; unus ferto argenti et maldrata annone triplicis in siligine, tritico et avena. Et volumus, ut illi, qui se in illis mansis locaverint, hereditatem habeant in alta ripa civitate predicta, ita quod de fructibus mansorum cum ceteris bonis suis nobis et civitati servire valeant, sicut decet. Item volumus, quod de predictis mansis, quotquot sunt vel esse poterunt, memoratus Wilhelmus tanquam locator et scultetus ibidem cum suis successoribus quatuor mansos liberos ab omnibus solucionibus, exaccionibus et juribus eciam, quocunque nomine censeantur, et tercium de judicio denarium liberum libere possideat in eternum. Actum et datum Wratizlavie presentibus comite Janussio de Michalowe, comite Thimone, Everardo et Symone fratribus, Zamborio subdapifero nostro, Nicholao castellano in Landesbergh militibus nostris et multis aliis fide dignis. III° Kal. Aug. et a° dom. M° CC° LXXIIII° per manum magistri Arnoldi notarii nostri.

An Pergamentstreifen das Fusssiegel des Herzogs.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.